කොරියානු නැවේ කාර්ය මණ්ඩලය ජනපති දෝෂ දර්ශනයට - GOSSIP9.WORLD

Post Top Ad

කොරියානු නැවේ කාර්ය මණ්ඩලය ජනපති දෝෂ දර්ශනයට

Share This
පසුගියදා මුහුදුබත් වුණු දකුණු කොරියානු නෞකාවේ කපිතාන්වරයා සහ කාර්යමණ්ඩලය අනතුර සිදු වූ අවස්ථාවේ ක්‍රියා කළ ආකාරය දකුණු කොරියානු ජනපතිනි පාර්ක් උන් හෙයේ ගේ දැඩි දෝෂදර්ශනයට ලක් වී තිබේ.

නැව මුහුදුබත් වෙමින් තිබිය දී කපිතාන්වරයා සහ කාර්යමණ්ඩලය නැවෙන් පිටවීම මිනී මැරීමට තැත්කිරීමට සමාන ක්‍රියාවක් බව පවසන ජනාධිපතිවරිය,ඔවුන් ගත් පියවර කිසිසේත්ම අනුමත කළ නොහැකි බවයි කියා සිටින්නේ.

නැවේ කපිතාන් ඇතුළුව හත් දෙනකු මේ වනවිට අත්අඩංගුවට ගනු ලැබ ඇත.

දෙසීය හතලිස් දෙනෙකු අතුරුදහන්
කිමිදුම් කරුවන් විසින් මගීන් හැට හතර දෙනෙකුගේ මළසිරුරු ගොඩ ගෙන ඇති නමුත් අතුරුදහන් වූ තවත් මගීන් දෙසීය හතලිස් දෙනෙකුට සිදු වූ දෙයක් තවමත් දන ගැනීමට නැත.

මගීන් සහ කාර්යමණ්ඩලය විසින් යවන ලද දුරකථන පණිවිඩ ඔස්සේ අනතුර සිදු වූ මොහොතට අදාළ සිදුවීම් පිළිබද කාලනීර්ණය කිරීමට කොරියානු බලධාරීහු උත්සහ කරමින් සිටිති.

අනතුර සිදු වූ මොහොතේ වෙරළාරක්ෂකයෙකු අමතමින් නැවේ කාර්යමණ්ඩලය පවසා ඇත්තේ මගීන් කළබලයට හා තැතිගැන්මට පත්ව සිටින බවයි.






No comments:

Post a Comment

Post Bottom Ad