මැලේසියානු ගුවන් යානා අනතුර අභිරහසක් වෙයි - GOSSIP9.WORLD

Post Top Ad

මැලේසියානු ගුවන් යානා අනතුර අභිරහසක් වෙයි

Share This
යානයේ මගීන් 239 න් 150 ක් චීන ජාතිකයන්

මගීන් 239 ක් රැගෙන පියාසර කරමින් තිබියදී සෙනසුරාදා අතුරුදහන් වූ ගුවන් යානයට සිදු වූ දේ අභිරහසක් බව මැලේසියාවේ සිවිල් ගුවන් සේවා ප්‍රධානියා පවසයි.

යානය පැහැර ගැනීමේ හැකියාවද බැහැර කළ නොහැකි බවයි, අසරුදීන් අබ්දුල් රහ්මාන් කියා සිටියේ.

කුවාලා ලම්පූර් නගරයේ සිට චීනයේ බෙයිජිං අගනුවර බලා ගුවන් ගත වූ මැලේසියානු ගුවන් සේවයට අයත් MH370 යානය එක්වරම රේඩාර් තිරයෙන් අතුරුදහන් විය.

අනතුරෙන් කිසිවෙකුත් දිවි බේරා ගෙන ඇතැයි විශ්වාස කළ නොහැකි බව අතුරුදහන්ව සිටින මගීන්ගේ ඥාතීන්ට දැනුම් දී තිබේ.

සොරා ගත් ගමන් බලපත් යොදා ගෙන යානයට ගොඩ වූ දෙදෙනා ආසියානු පෙනුමක් රහිත පුද්ගලයන් බව මැලේසියානු බලධාරීහු සනාථ කරති.


ඉන් එක් අයෙකු මේ වන විට හඳුනාගෙන ඇති අතර ඔහු මැලේසියානු ජාතිකයෙකු නොවන බවයි පැවසෙන්නේ.


මගීන් වෙනුවෙන් යාඥා කරන්නැයි ඉල්ලන ඉන්දීය කලාකරු සුදර්ශන් පට්නයික්



















එම මගීන් දෙදෙනා පිලිබඳ සියලු තොරතුරු ජාතික ඔත්තු සේවාවන්ට ලබා දී තිබෙන බව වැඩ බලන ප්‍රවාහන අමාත්‍යවරයාද සඳහන් කළේය.

චීන ජාතිකයන් 150 දෙනෙකුද ගුවන් යානයේ ගමන් ගත් අතර, මැලේසියානු බලධාරීන් යානයට සිදු වූ දේ සොයා බැලීමේ උත්සාහය උත්සන්න කළ යුතු බවයි ඊට ඉහතදී ප්‍රකාශයක් කළ චීන බලධාරීන් කියා සිටියේ.

රටවල් නමයකට අයත් නෞකා 40 ක් සහ ගුවන් යානා 34 ක් මේ වන විට වියට්නාමය සහ මැලේසියාව අවට මුහුදේ සොයා ගැනීමේ මෙහෙයුම්වලට එක් වී සිටිති.

No comments:

Post a Comment

Post Bottom Ad