එංගලන්තය, ඉන්දියාව, ඔස්ට්‍රේලියාව: ක්‍රිකට් බල කාරයෝ වෙයි - GOSSIP9.WORLD

Post Top Ad

එංගලන්තය, ඉන්දියාව, ඔස්ට්‍රේලියාව: ක්‍රිකට් බල කාරයෝ වෙයි

Share This
ජාත්‍යන්තර ක්‍රිකට් කවුන්සිලය (ICC) විසින් කරන ලද නව ශ්‍රේණි ගත කිරීම් වලට අනුව එංගලන්තය, ඉන්දියාව සහ ඔස්ට්‍රේලියාව යන රටවලට ක්‍රිකට් ක්‍රීඩාව සම්බන්ධ තීරණ ගැනීමේ දී වැඩි බලයක් ලැබී තිබේ.

මේ මගින් ක්‍රිකට් ක්‍රීඩාවට අදාළ පරිපාලනමය කටයුතු, තරඟ පැවැත්වීම් හා මුල්‍යමය කටයුතු පිලිබඳ අධිකාරිත්වය මෙම රටවල් තුනට හිමි කර දී ඇත.

අයර්ලන්තය හා ස්කොට්ලන්තය ඇතුලු තවත් රටවල් කිහිපයකට ටෙස්ට් ක්‍රිකට් සඳහා තරඟ කිරීමේ අවස්ථාවද හිමිකර දී තිබේ.

මේ නව වෙනස් කම් අනුව " ලෝක ටෙස්ට් ශුරතාවය " නමැති සංකල්පය ඉවත්කර ඒ වෙනුවට 2017 දී " ශුරතා කුසලාන " තරඟාවලිය ඇරඹෙනු ඇත.

ඉන්දියානු ක්‍රිකට් මණ්ඩලයේ සභාපති නාරයන්ස්වාමි සිරිනිවාසන් වසර දෙකක කාලයක් සඳහා ජාත්‍යන්තර ක්‍රිකට් කවුන්සලයේ සභාපති ලෙස කටයුතු කරනු ඇත.

ටෙස්ට් ශ්‍රේණි ගත කිරීම

1. දකුණු අප්‍රිකාව

2. ඉන්දියාව

3. ඔස්ට්‍රේලියාව

4. එංගලන්තය

5. පකිස්ථානය

6. ශ්‍රී ලංකාව

7. බටහිර ඉන්දීය කොදෙව්

8. නවසීලන්තය

9. සිම්බාබ්වේ

10. බංග්ලාදේශ්

සිදුවූ වෙනස්කම් ජාත්‍යන්තර ක්‍රිකට් කවුන්සිලය මගින් නිල වශයෙන් අනුගත කළ යුතු වන අතර, එංගලන්තය හා වේල්සයේ ක්‍රිකට් මණ්ඩලය (ECB), ඕස්ට්‍රේලියාවේ ක්‍රිකට් මණ්ඩලය (CA) සහ ඉන්දියානු ක්‍රිකට් මණ්ඩලය (BCCI) යන ආයතන ද ඇතුළත් පස් දෙනෙකුගෙන් සමන්විත විධායක කමිටුවක් ද පත්කර ගැනීමට නියමිතය.

ටෙස්ට් ක්‍රිකට් ලොවට ඇතුළත්වූ ඇෆ්ගනිස්ථානය, කැනඩාව, අයර්ලන්තය, කෙන්යාව , නෙදර්ලන්තය සහ ස්කොට්ලන්තය යන රටවල් මෙතෙක් තරඟ කළේ ජාත්‍යන්තර එක්දින තරඟ සහ T20 තරඟ වලට පමණි.

2015 හා 2023 අතර කාලය තුල පැවැත්වීමට යෝජිත ටෙස්ට් තරඟාවලිය අනුමත වීම හේතුවෙන් දැනට නියම කරගෙන ඇති ක්‍රිකට් සංචාර අහෝසිවී යනු ඇති බවයි පැවසෙන්නේ.

එබැවින්, ICC හි සාමාජික රටවල් 10 වන ඔස්ට්‍රේලියාව, බංග්ලාදේශය, එංගලන්තය, ඉන්දියාව, නවසීලන්තය, පකිස්ථානය, දකුණු අප්‍රිකාව, ශ්‍රී ලංකාව, බටහිර ඉන්දීය කොදෙව් සහ සිම්බාබ්වේ යන රටවලට මින් ඉදිරියට නිතර ඔවුනොවුන් හා තරඟ කිරීමට නොහැකි වනු ඇත.

සාමාජික රටවල් අටක කැමැත්ත ඉහත යෝජනාවන් සඳහා ලැබුණු අතර පකිස්ථානය හා ශ්‍රී ලංකාව ඡන්දය දීමෙන් වැලකී සිටියහ.

No comments:

Post a Comment

Post Bottom Ad