මුරිසියේ තැන නැති වේ:මීළඟ සමුළුව මෝල්ටාවේ - GOSSIP9.WORLD

Post Top Ad

මුරිසියේ තැන නැති වේ:මීළඟ සමුළුව මෝල්ටාවේ

Share This
මීළග පොදු රාජ්‍යය මණ්ඩලීය නායක සමුළුව මෝල්ටාවේ පැවැත්වෙන බව  පොදු රාජ්‍ය මණ්ඩලීය මහලේකම් කමලේශ් ෂර්මා  කොළඹ සමුළුව අවසානයේදී ප්‍රකාශ කළේය.සියළුම දෙනා එය එක හඩින් අනුමත කළේය.

පොදු රාජ්‍ය මණ්ඩලීය රාජ්‍ය නායක සමුළුව මේ වසරේ ශ්‍රී ලංකාවේ පැවැත්වීමට විරෝධය පළ කරමින් මුරිසිය ඉන් ඉවත් වීමෙන් පසු ඊළග සමුළුව මෝල්ටාවේ පැවැත්වීමට තීරණය වෙයි.

සමුළුව 2015 දී මෝල්ටාවේ පවත්වන ලෙස මෝල්ටා අගමැති ආරාධනය කළ බවත් සියලු සාමාජිකයන් එය ඒක මතිකව පිළිගත් බවත් සමුළු මහ ලේකම් කමලේශ් ෂර්මා පුවත්පත් වාර්තාකරුවන් හා පැවසීය.

මීළග සමුළුව පැවැත්වීමට නියමිතව තිබුණේ මුරිසියේය. එහෙත් ශ්‍රී ලංකාවේ  මානව හිමිකම් ක්‍රියා කළාපය ගෙනහැර පාමින්  එහි අගමැති නවීන් චන්ද්‍රා ලාම් ගුලාම් එය වර්ජනය කළේය.මුරිසියේ ජනගහණයෙන් සියයට දහයක් දෙමළ ජනයාය.එහි ජන ගහණය ලක්ෂ දහතුනකට ආසන්නය.

මධ්‍යධරණිය මුහුදේ දකුණු යුරෝපයේ පිහිටි මෝල්ටා කොදෙව් දුපත්  සිසිලියට කිලෝ මීටර් අසුවක් දකුණින්ද ටියුනිසියාවට කිලෝමීටර් 284 ක් නැගෙනහිරින් ද ලිබියාවට කිලෝමීටර් 333 ක් උතුරින් ද  පිහිටියේය.රටේ භූමි ප්‍රමාණය වර්ග  කිලෝ මීටර් 316 කි.ලොව කුඩාම රාජ්‍යන්ගෙන් එකකකි.එහෙත් බෙහෙවින්ම ජනගහණය අධික රටකි .ජන ගහණය පන්ලක්ෂයකට ආසන්නය.

අග නගරය වැලෙට්ටාය.1964 දී බ්‍රිතාන්‍යයෙන් නිදහස ලැබු මෝල්ටාව 1974 දී ජන රජයක් විය.1964 දී එක්සත් ජාතින්ගේ සංවිධානයටද 2004 යුරෝපා සංගමයටද ඇතුළු විය.ප්‍රාග් ඓතිහාසිකත්වයට උරුමකම් කියන මොල්ටාවේ ලෝක උරුම ස්මාරක 7 ක් ඇත.

ආගම රෝමානු කතෝලික ආගමයි.  95% මෝල්ටා ජාතිකයෝය.2% ආසන්න ප්‍රමාණයක් බ්‍රිතාන්‍යයෝය.යුරෝව භාවිත මුදලයි.

No comments:

Post a Comment

Post Bottom Ad